رحلة التخرج من البداية حتى النهاية

اعداد رحلة التخرج في الجامعة
بين التجربة والخيال

رحلة خاصة لطلبة جامعة القدس المفتوحة الي مسجلين فيها ! ومقارنة مع باقي الجامعات ؟!

بداية في هذه الرحلة اتمنى لك قضاء وقتا سعيدا أثناء التجوال في هذه الرحلة

 ويفضل الا يكون عليك التزامات حتى لا تخرج من مسار هذه الرحلة

رسوم الاشتراك في هذه الرحلة 50 دينار ؟

على ايش  50 دينار ؟  هي هيك مراسم توسيم الرحلة حتى لو سحبنا منك الآلاف لازم يكون معك 50 دينار ! @_@

سيبك من النقاشات ونشوف تجهيزات الرحلة

خطوات الرحلة والتزم بهذه الخطوات حتى تكون الرحلة شيقة

1/ بتروح على قسم التسجيل بتحكي بدي ورقة للتخرج , بعطوك ورقة زي هذه الصورة

براءة ذمة والمشكلة في الورقة انها مبكسلة من القسم نفسه @_@

2/ الرحلة الأولى بعد ما تعبي اسمك وبياناتك بتروح تتمشى حتى تصل قسم المالية تدخل عليه تعطي الورقة الي أخدتها من قسم التسجيل وقبل اي شئ 50 دينار وبدون حوارات ومجادلات 

وبعطيك اثبات وبكون مسجل فيهم المقررات الي أخدتهم الفصل الماضي وهما 3 ورقات

 وحدة الك وحدة له (قسم المالية) وحدة لقسم التسجيل مثل هادي الصورة

بعدين هيك بكون خلصت اول مرحلة من الرحلة

3/ الرحلة الثانية بتروح على قسم شؤون الطلبة تعطي ورقة براءة ذمة وبتستنى حتى يختملك.

يفضل في أثناء هذه الرحلة اصطحاب بعض المأكولات والمشروبات أثناء التجول في الرحلة

4/ بتكمل مشوارك على قسم اللوازم (الي تستلم منهم الكتب) اعرفتهم ولا لسى المهم تعطي ورقة براءة الذمة وبتستني يختملك

5/ بطير جراي على المكتبة وين هادي مكانها ؟ هادي مكانها في الجامعة فيها كتب كتيييير أنا مش عارف انت دخلتها ولا لأ ؟

 المهم اذا مش عارف وين هيا تسأل المارة (الطلاب أو أي حد ) بدلوك عليها بتدخل على المكتبة لأول واحد بشوف الورقة بحكيلك روح هناك (الشخص التاني) الى أن تصل الى الشخص المناسب وتعطي الورقة وبتستنى يختملك

6/ اطلع برة الرحلة واطلع من الجامعة كلها خد جولة في رحلة تانية مختلفة !!!

وخاصة في هذه الطشة القصيرة بدنا نجيب شوية اغراض عشان اتكون الرحلة كويسة وحلوة , لا مانع من اخذ استراحة قصيرة 

وهذه الرحلة جميعها من حسابك الخاص حتى اتفلس $_$
 وما الها علاقة برسوم الاشتراك !  انت معي ؟ امور عادية 
ما فيها مشكلة المهم تكون في نهاية الرحلة سعيد

>> متطلبات الرحلة الثانية 4 صور شخصية  بروب التخرج ومن وين اجيبو عاد هادي بدك إدّور في الاستديو التصوير ؟!

لكن انا ما دورت على وتعبت نفسي .. صورت حالي بالجوال ولبست حالي بدلة عريس وتركيب روب التخرج .
 وطبعتها  زي هادي الصورة ^_^  بس الصورة فخمة ^_^

المزعج في الأمر إنه قسم التسجيل حكو صورتين كيف المقياس مش معروف اعمل ضربة حظ ! المهم صورة شخصية

 بس لكن اعملت حسابي 4 صور بمقياس 4×6 وكان الذي كان , واذا كنت مشترك في هذه الرحلة وسبقتنا هترجع تتسلق الجبل تاني

فنرجو من الجميع الالتزام بالرحلة 

اسمعو مني كويس خدو 4 صور اصحى ترد عليهم وتعمل صورتين اعمل 4 صور واعمل اذا بدك ازيادة للذكرى الحلوة دي !

خلفية الصورة الي بدك اياه 

>> ومن المتطلبات للرحلة شهادة ثانوية مصدقة ؟ خير ليش شهادة مهُما أخدو مني وحدة في بداية السنة , هيك القوانين

واذا كنت سنة تحضيرية حياخدو منك شهادتين مصدقتين للثانوية العامة ,

المهم بدهم وحدة مصدقة وحديثة بتركب السيارة وبتروح على مديرية التعليم القريبة منك أكانت شرق - غرب - شمال - جنوب لازم تجيبها من المديرية التعلم ؟ بفلوس $$

>> وانت راجع على الجامعة تنساش تطبع صورة شهادة الميلاد وصورة الهوية

وبعدين تحكي للسائق على جامعة القدس المفتوحة ؟

ملاحظة خارجية // وأنا راجع على الجامعة شوفت حد بياخد الرحلة لكن مش من عنا في جامعة تانية ؟

سألته كيف الرحلة تاعتك وأنا بسأله عن الطشة الي خارج الرحلة تاعت الصور والتوثيق حكالي أصلا ما طلبو منا نطلع خارج الرحلة !!ما طلبو منك شهادة توثيق للثانوية ؟ لأوصورة شخصية بالروب ؟ كمان لأوكم دفعت لرسوم الاشتراك ؟ 50 دينار ومنهم هدية ! يا سلام هدية ؟ آه ؟ احنا ما في هدية

7/ عدنا للبداية متذكر ورقة براءة ذمة , بتروح على قسم العلاقات العامة بعد ما تنزل من السيارة وتدخل الجامعة مباشرة على قسم العلاقات العامة

بختملك الورقة وبحكيلك خد ورقة أو ممكن يعطيك اياها والورقة زي هادي

وتخدها معك للمرحلة قبل الأخيرة

تطلع خارج قسم العلاقات العامة وبتعبي البيانات ومعها صورتين وبتسلمها عند قسم الادارة بصير معك صورتين من 4 صور 

9/ المرحلة النهائية بتميل على قسم التسجيل الي اخدت منه الورقة واذا كان طوابير استنى دورك

المهم بتسلمهم (ورقة المالية سند قبض - شهادة ثانوية - شهادة ميلاد - صورة عن الهوية ) المهم شو صار بدهم صورتين قلتلهم أخدتهم الادارة وهما حكولي هات صورتين ؟ حكولي لا هما غير واحنا غير ؟ قلتلهم منتو حكيتولي بدنا صورتين ؟

شو رأيكم يا جماعة : اروح ارجع اتصور؟

المهم كنت عامل احسابي لهذه المخاطرة في الرحلة على 4 صور فأعطيهم الصورتين الي ضلو معي ؟ @_@

والأمر الأخر بدهم البطاقة الجامعية طبعا ما كانت معي يومها وكانت ضايعة ^_^ وانا مش عارف ... لكن اذا كان معك لازم اتسلمها اياهم ايش مكان لو كانت مكسورة.

وأثناء التسليم الورق بعطوك ورق تعهد مثل هدي الصورة

وتكتب البيانات

وفي النهاية بعطوك الشهادة الأصلية الي استنيتها طول السنوات الدراسية مثل هادي الصورة

ومع الشهادة الأصلية بسلموك ملف كامل بحجم A3 لمقررات العلامات التي درستهم مثل هذه الصورة

أما شهادة الكرتون عشان تستلمها استنا 6 سنوات ^_^

الرحلة خلصت لكن..

في كمان رحلة جديدة للطلاب المؤدبين والي التزمو في الرحلة مش اجبارية
اما الي لسى ضايلين في الرحلة الأولى عاد هادي قصتهم قصة

والرحلة هادي @_@



يعني رسوم اشتراك جديدة ولا الها علاقة بالرحلة الأولى

وفي نهاية هذه الرحلة بعد المعاناة والتعب ^_^

 

أخيرا أخي الطالب أتمنى لك التوفيق والنجاح وحبا للعلم والتعلم  فكم من معلم درست معهم ولهم مني أفضل تحية وعرفان

وبعد هذه الشهادة أسأل الله لكم جميعا أن تتوظفو عليها وتعلمو الأجيال من بعدكم حفظكم الله ورعاكم اخواني الطلبة

مع تحياتي لكم

|||   HAMAD BASHIR   |||
التقي وإياكم الى جامعة تضمها الألف والحب والتعلم وبناء جيل تقني من الشباب حبه للعلم والتعلم وخدمة الأخرين